Dita e sotme është njoftuar prej ditësh që do të ketë një protestë antiqeveritare, ndërsa gjuha e përdorur nga drejtuesit e partive opozitare ka qenë shumë e ashpër, ndërsa nuk kanë munguar dhe thirrjet për rrëzimin e qeverisjes së kryeministrit Rama.
Protesta e opozitës ka patur përgëzime për formën paqësore të organizimit, ndërsa falënderime të veçanta kishte nga Ministria e Brendshme, pasi sipas saj, qytetarët u sollën në mënyrë korrekte dhe nuk u regjistrua asnjë incident.
Ndërkohë nga ana tjetër, mesazhe falënderimi kanë bërë edhe përfaqësues të ndryshëm si brenda PD-së ashtu dhe LSI-së. Kryetarja e LSI-së, Monika Kryemadhi nuk ka mjaftuar me fjalimin e mbajtur në sheshin përballë kryeministrisë, por me anë të një postimi në rrjetin social Facebook, ka falënderuar studentët, pensionistët, inelektualët, punëtorët, të cilët sipas saj, morën pjesë në ngritjen e zërit ndaj qeverisjes së narkoshtetit.
“Shpreh mirënjohjen për çdo të moshuar, pensionist, intelektual, punëtor apo student, për çdo njeri që ka humbur shpresën dhe që sot protestoi ndaj narkoshtetit. Falenderoj dhe ata që udhëtuan nga larg për të qenë sot pjesë e protestës, edhe mijëra të tjerë që na përcollën nga media dhe rrjetet sociale dhe që do të jenë me ne në protestat e ardhshme”-shkruan ajo.
Ndërsa ka falenderuar edhe forcat e policisë për punën e bërë, pasi sipas saj, kanë kryer punën në mënyrë profesioniste pa rënë pre e presioneve të trafikanteve të drogës.
Statusi i Kryemadhit
Dua të falenderoj nga thellësia e zemrës çdo shqiptar që ishte sot në protestën e opozitës! Shpreh mirënjohjen për çdo të moshuar, pensionist, intelektual, punëtor apo student, për çdo njeri që ka humbur shpresën dhe që sot protestoi ndaj narkoshtetit.Falenderoj dhe ata që udhëtuan nga larg për të qenë sot pjesë e protestës, edhe mijëra të tjerë që na përcollën nga media dhe rrjetet sociale dhe që do të jenë me ne në protestat e ardhshme.
Dua të falenderoj edhe forcat e rendit, që edhe pse të urdhëruar nga shefat trafikantë të drogës nuk ranë pre e provokimeve të tyre por kryen detyrën si profesionistë. Le të jetë kjo ditë shenja e nisjes së protestës mbarëpopullore kundër qeverisë së krimit dhe drogës! Të gjithë së bashku do të mundemi ta shporrim nga qeverisja Edi Ramën dhe klikën e tij të hajdutëve! Kjo është protesta jonë, forca jonë dhe rruga e vetme për të rifituar dinjitetin! Zoti e bekoftë Shqipërinë dhe shqiptarët.
