Në prag të derbit të kryeqytetit nuk mund të mungonte nderimi për tifozin e vogël të Partizanit, Leo Cara, i cili humbi betejën me një sëmundje të rëndë vetëm pak ditë më parë.
Karroca e tij bëri një xhiro nëpër stadium, ndërsa nuk munguan duartrokitjet e tifozëve të Tiranës, të cilët iu bashkuan dhimbjes për humbjen e Leos së vogël. Momente me të vërtet prekse.
Në dhomat e zhveshjes të “Demave të kuq”, është parë një fanellë e kuqe me emrin e vogëlushit Cara, që me shumë gjasa mund të mbahet veshur nga lojtarët e Partizanit.
Nuk dihet ende nëse do të ketë një organizim ose ceremoni më të madhe për vogëlushin e ndjerë, por të paktën një fanellë me emrin e tij ndodhet në dhomat e zhveshjes.
