Dries Mertens ishte protagonisti i pjesës së parë në ndeshjen e fundit të javës së 33-të të Serie A mes Napolit dhe Atalanta-s.
Në fillim ai ka treguar një gjest “Fair Play”, mbase i frikësuar edhe nga VAR, duke i treguar arbitrit gjatë një dueli me portierin kundërshtar se nuk ishte faull.
Disa minuta më pas, gjesti i tij është shpërblyer me një gol. Ishte pikërisht sulmuesi belg ai që ka shënuar golin e avantazhit në minutën e 28’ të takimit.
