Sot Anxhela Peristeri prezantoi këngën e saj konkurruese për “Kënga Magjike”, me titull “Dikush i imi”, por para performancës ajo mori një surprizë. Në studion e emisionit “E diela shqiptare”, kishte mbërritur një tufë me trëndafila të kuq për Anxhelën, dhe një pusullë ku shkruhej: “Po të duash, sot mund ta deklarosh”.
Këngëtarja asnjëherë nuk ka treguar ndonjë detaj në lidhje me jetën e saj personale, por dikush sot i ka dhënë sinjalet e para. Partneri i saj duket se është gati që lidhja e tyre të bëhet publike, por këngëtarja sërish ka insistuar se nuk ka asgjë të vërtetë.
E pyetur nga Arditi se kush ia ka dërguar lulet, Anxhela u përgjigj: “Nuk e tregojmë dot”.
Ndërsa Arditi ia ktheu: “Unë e njoh, shkoni shumë si çift”.
Por këngëtarja sërish këmbëngul se ajo nuk është në një marrëdhënie. “Këto që tha Arditi nuk janë të vërteta, unë jam single”, u shpreh Anxhela, duke e mohuar kështu lidhjen.
