Moderatorja Kiara Tito më në fund e pranoi se ka kryer ndërhyrje estetike. Mjaft e revoltuar me ndjekësit, të cilët e pyesin vazhdimisht nëse ka bërë diçka, ajo më në fund është dorëzuar, duke kritikuar të gjithë paragjykuesit. Me anë të një postimi në Insta Story, ajo ka shprehur mllefin ndaj atyre që reagojnë në këtë formë, ndonëse jemi në vitin 2019.
“Duke qenë se jam sulmuar disa herë në rrjetet sociale, më ka ardhur në majë të hundës nga të gjitha komentet tuaja. Mendoj që nuk ka asnjë gjë të keqe të ndryshosh diçka që nuk të bën të ndihesh mirë.
Çdo kush bën çfarë të dëshirojë me veten dhe shyqyr që kanë ardhur këto kohë. Nuk e kuptoj pse duhet të ekzistojnë akoma këto paragjykime në vitin 2019-të. Po, e pranoj që kam bërë ndërhyrje! Çfarë keni për të thënë tani?”, shkruan Kiara.
