Moderatorja Fjoralba Ponari duket se nuk do ta shohim vetëm si moderatore, por me gjasë edhe si politikane. Ndonëse me profesion është stomatologe, ajo ia ka dalë mjaft mirë si moderatore në “Top Channel”.
Në një intervistë dhënë për emisionin “Pop Culture” me Dojna Memën, Fjoralba në një moment të intervistës dëgjohet të thotë “Do bëhem politikane”.
Projekti i radhës do ta kthejë Fjoralbën sërish në moderim po në krah të Edi Manushit, në programin maratonë të së dielës në “Top Channel”. Moderatori i njohur i “Top”-it do të jetë prezantuesi kryesor i programit, ndërsa krahas tij do të shfaqen edhe bukuroshet Fjoralba Ponari dhe Nevina Shtylla.
