Në ditët e sotme, edhe mosha e tretë zor t’i rezistojë teknologjisë, madje shumë prej tyre janë përshtatur shumë mirë me të.
Por, teksa të gjithë ne jemi shumë të dhënë pas telefonave të mencur, ka edhe nga ato personalitete që i kanë fobi ato dhe mbajnë ende në përdorim të famshmin Nokia 3310!
Po, po! Bëhet fjalë për drejtuesit e “Procesit sportiv”, Edi Manushi, i cili ka habitur teksa ka treguar celularin e tij në emisionin “Kush vjen për drekë”.
-Po pse këtë telefon? S’i ke raportet mirë me teknologjinë më duket
-Këtë sepse është eficent dhe s’i mbaron bateria. Karikohet një herë në 6 ditë. Ka njerëz që blejnë ende nga këta telefona.
Manushi tregon më pas se nuk ka as WhatsApp dhe as Viber, ndërsa përdor vetëm emailin, të cilin e kontrollon dy herë në ditë, nga shtëpia dhe zyra.
“Rrjetet sociale s’më shërbejnë as për punë, kam zbuluar së fundmi, madje më pengojnë. Jam përpjekur, por nuk të vlejnë. Kështu që emailin e hap dy herë në ditë edhe je n’rregull. E gjitha kjo është një detoks ndaj lajmeve të shumta.”
