Gazeta serbe “Novosti” shkruan se Bashkimi Evropian mund të ndryshojë rregullat për integrimin e Ballkanit Perëndimor në BE. Sipas tyre, në Samitin e majit 2020, Bashkimi Europian do të prezantojë dokumentin, në të cilin pritet të shtrohen disa modele që sërish përqendrohen te partneriteti i privilegjuar, duke shmangur zgjerimin të mëtejshëm të unionit. Pritet që te këto modele theksi kryesor të jetë te ndihma financiare.
Artikulli thekson se metodologjia e re e bisedimeve me vendet e Ballkanit është në fazë diskutimi ndërmjet Gjermanisë dhe Francës.
Modeli i ri pritet të adoptohet nga Këshilli i Europës në marsin e vitit 2020. Në këtë marrëveshje mund të paraqitet ideja e asaj që quhet Integrimi Sektorial. Kjo nënkupton se pas mbylljes së një kapitulli, vendi përkatës do futet në sistemin e BE-së në fushën përkatëse.
Për ta bërë të kuptueshëm modelin, media serbe merr një shembull konkret. Sipas këtij modeli, nëse mbyllet si p.sh kapitulli i transportit, vendi përkatës përfiton fondet pikërisht në këtë sektor.
Një version tjetër është dhe modeli i propozuar nga novergjezët. Në vend të anëtarësimit do të ofrohet anëtarësimi në dy institucione kyçe; Bashkimi Europian për Tregtinë e Lirë dhe Zonën Ekonomike Europiane. Këtu bëjnë pjesë Islanda, Lihtenshtejni, Norvegjia dhe Zvicra, që nuk janë anëtarë të BE-së.
Në Bruksel flitet që rregullat e reja të pranimit të ndryshohen jo vetëm për vendet që duhet të fillojnë negociatat, përkatësisht Maqedonia e Veriut, Shqipëria dhe Bosnjë-Hercegovinën, por edhe për Serbinë dhe Malin e Zi, të cilat kanë ecur përpara në proces.
Nga ana tjetër, ka edhe nga ata zyrtarë që i besojnë idesë se Bashkimi Europian do të vepronte në kundërshtim me parimet dhe vlerat e saj kryesore nëse ndryshojnë rregullat. Sidomos për Beogradin dhe Podgoricën në mes të garës për anëtarësim.
