Në një kontroll ‘blic’ të ushtruar në burgun e Fierit janë gjetur mjete prerëse, shtizë e një telefon celular të fshehur brenda lavatriçes.
Forcat Operacionale në Burgun e Fierit kanë kryer një kontroll të befasishëm në godinën B, ku kanë gjetur një mjet prerës rreth 15 cm të gjatë, si dhe shtizë të përshtatur si mjet shpues.
Burimet bëjnë me dije se kontrolli ka vijuar edhe në godinën e paraburgimit, ku në ambientet e përbashkëta, brenda lavatriçes, është gjetur një telefon celular, Nokia.
Karikuesi i këtij telefoni u gjet në po të njëjtën godinë, në ambientet e dusheve. Materialet i kaluan specialistëve për hetime të mëtejshme.
