Epidemiologu, Erand Llanaj ka sqaruar arsyen se përse vaksina anticovid pritet të injektohet në dy doza.
Llanaj ka thënë se vaksina nuk mund të ketë efekt pa një dozë tjetër.
Ai ka shtuar faktin se Shqipëria është pjesë e planit ku do të shpërndahet vaksina.
Doza e parë ekserton një përgjigje imunitare që krijon një mbrojtje imunitare, dhe kërkon shtyrje të imunitetit me një dozë të dytë. Nuk mundet që vaksina të ketë efekt pa një dozë të dytë. Mund t’ju tregoj vaksinën e Hepatitit B që kërkon tre doza dhe jo dy, që bëhen pas tre muajsh. Kjo është vaksina e parë me bazë ARN-je, sepse nuk ka ndodhur kurrë. Një tjetër shqetësim që kam shprehur, është fakti që nuk mund të prodhohet 12 miliardë vaksina për 6 miliardë njerëz, që të kemi imunitet të tufës, pasi mund të prodhohen maksimumi 1.3 miliardë doza, që i bie që 600 milionë individë mund të vaksinohen maksimumi në fillim të vitit 2022.
Lajmi i mirë është që ka një program që edhe Shqipëria është pjesë, sigurohet në një marrëveshje ndërkombëtare që 20% e popullsisë do të vaksinohet në momentin që kemi doza të mjaftueshme. Vendet që janë me të ardhura të larta, janë më shumë të favorizuara nga vetë kompanitë që priret t’u shkojnë, sepse duke qenë se vaksina kërkon logjistikë në -18 gradë celcius, normalisht që vendet në zhvillim, nuk do t’i kenë mundësitë që ta menaxhojnë. Pfizer ka bërë disa pako që mundet me akull të thatë që ta mbajë temepraturën dhe ka një plan rigoroz”, tha Llanaj në ‘Ora News’.
