Mjeku i sëmundjeve infektuese në Itali, Matteo Bassetti shprehet se koronavirusi është dobësuar shumë.
Sipas tij, virusi po “ndryshon në ashpërsi” dhe pacientët tani po mbijetojnë nga infeksionet që do t’i kishin vrarë ata më parë
“Dhe nëse dobësimi i virusit është i vërtetë, Covid-19 madje mund të zhduket pa pasur nevojë për një vaksinë”, thotë ai, raporton Daily Mail.
Mjeku italian ka thënë disa herë në muajt e fundit që pacientët me koronavirus duket se janë shumë më mirë, sesa ishin në fillimin e pandemisë në Itali.
Bassetti sugjeron se kjo mund të jetë për shkak të një mutacioni gjenetik të virusit, duke e bërë atë më pak vdekjeprurës. Kjo sipas tij, për shkak të trajtimeve të përmirësuara, ose për shkak se njerëzit nuk po infektohen me doza kaq të mëdha për shkak të distancës sociale.
Shefi i sëmundjeve infektive në Spitalin e Përgjithshëm San Martino, Matteo Bassetti tha për The Sunday Telegraph se virusi mund të vdesë vetë.
