Pak më herët qarkulloi një lajm në media se mjeku Arjan Pushi humbi jetën si pasojë e koronavirusit. Ky lajm është përgënjeshtruar nga ministria e Shëndetësisë, Ogerta Manastirliu. Ajo konfirmoi në emisionin “Open”, se ky është një lajm i rremë.
“Është një informacion i rremë. Na ka ardhur shumë keq. Kemi apeluar për mediat për tu referuar burimeve zyrtare. Të kujdesen që informacionet të dalin nga burimet zyrtare për personat konkret. Është Ministria e Shëndetësisë që jep informacione. Ne kemi ruajtur transparencën me përgjegjësi”, tha Manastirliu.
Gjatë pasdites së sotme u raporua se kishte ndërruar jetë mjeku i parë nga koronavirusi në Shqipëri. Lajmin për ndarjen e tij nga jeta, e ka dhënë kolegu i tij, Bernard Progini, i cili ka sqaruar se edhe pas përpjekjeve të mjekëve, Pushi nuk ka mundur që të mbijetojë.
“Prof.Dr Arjan Pushi, hematolog në departamentin e Hematologjisë në Qendrën Spitalore “Nënë Tereza” pas një intubimi të gjatë në reaminacionin e infektivit duke luftuar me jetën ndaj COVID-19, u dorëzua!
U dorëzua, një mjeshtër i madh i punës që ndër vite dhe një kontribut madhështor në shërbimin e hematologjisë në vendin tonë dhe mbarë trevave tona ku ka shqiptarë. Dhe edukoi profesionalisht, breza mjekësh ndër vite në vendin tonë! Shpirti i tij u preftë në paqe. Ngushëllime familjarëve!,” shkruan Berdard Progni.
