Epidemiologu i njohur, Ilir Alimehmeti ka komentuar situatën aktuale epidemiologjike të Covid-19 në vendin tonë.
Në një intervistë për Fax News, ai u shpreh se ndondëse shifrat janë ulje, nuk duhet neglizhuar masat dhe duhet tët regohemi të kujdesshëm.
Sa i takon procesit të vaksinimit, Alimehmeti tha se nuk e rekomandon vaksinën kineze të prodhuar nga kompania Sinovac, dhe renditi disa arsye pse kjo vaksinë nuk duhet të bëhet.
Ilir Alimehmeti: Vaksinimi është lajm i mirë, por duhet parë çfarë vaksinash kemi. Kemi çertifikuar Astra Zeneca, Pfizer, por nuk kemi një gjë të tillë për atë kineze. Nuk kemi të dhëna të plota për vaksinën kineze. Fakti që ka nisur vaksinimi me këtë vaksinë nuk e zhbën faktin që nuk kemi të dhëna të plota për të. Të dhënat e fazës së tretë janë raportuar vetëm në burime mediatike dhe vetëm për efektivitetin. Nuk është raportuar të dhënat e sigurisë. Domethënë nuk e dimë dhe kur nuk e dimë duhet të marrim pak kohë. Unë nuk do t’ia sugjeroja qytetarëve. Sepse nuk kemi të dhëna. Kur nuk kemi të dhëna, nuk bazojmë dot të dhënat në këtë lloj mënyre. Shpresoj sa më shpejt të jetë e mundur. Shpresoj që të dhënat t’i kemi më të plota. Ndoshta është një informacion ekskluziv.
