Familja Kodra dëshiron të qëndrojë në Gjermani. Për këtë, ajo ka luftuar për tre vjet, por deri me tani pa sukses. Zyra Federale për Migracionin dhe Refugjatët, ka refuzuar kërkesën për azil. Kërkesa për Komisionin e Vështirësisë: nuk është dërguar në Ministrinë e Brendshme. Familja Kodra ka ardhur nga Shqipëria në Gjermani që nga viti 2014. Shqipëria është kandidate për t’u anëtarësuar në BE, dhe konsiderohet si një vend i sigurt i origjinës, pra nuk kanë shanse për azil.
Por, në të vërtetë nëse nuk do të ishte Leonard, djali i shurdhër i familjes, ajo do të ishte dëbuar me kohë. Ai ka nevojë për një kujdestar mjekësor dhe për shkollim.
Leonard ka lindur në Durrës, tetë vjet më parë. Por sëmundja nga e cila ai po vuan nuk u identifikua atje. Në vend të kësaj, mjekët e diagnostikuan epilepsi, dhe i dhanë djalit shumë medikamente. Leonard nuk u përmirësuar, nuk fliste, dhe gjendja e tij u përkeqësua. Mjekët shqiptarë u kishin thënë prindërve të tij që duhet ta dërgonin djalin në një psikiatri. Por, kjo gjë nuk u pranuar nga Telemak dhe Dorina. Ata bashkë me Leonardin dhe djalin e tyre më të madh, Devinson ikën në Gjermani. “Sepse psikiatri në Shqipëri do të thotë: Izolim “.
Me tëm,mbërritur në Gjermani, ata i bënë vizitat e nevojshme djalit dhe vunë re që ai ishte shurdhuar dhe se nuk vuante nga ndonjë sëmundje tjetër.
Tashmë mjekët në gjermani i kanë rekomanduar që djali i tyre duhet t’i nënshtrohet një ndërhyrje kirurgjikale. Por, familja Kodra nëse kthehet në Shqipëri e ka të vështirë që të përballojë shpenzimet e operacionit dhe çdo gjë duhet ta paguaj nga xhepi,një gjë e tillë nuk mund të përballohet financiarisht nga familja. Por, familjes shqiptare u është thënë që duhet të largohet për në Shqipëri, dhe është paralajmëruar me 25 Janar. TIRANA TODAY
