Një vajzë pesë-vjeçare është në mesin e atyre që u përdhunuan nga ushtarët rusë, pretendon një zyrtar i lartë ukrainas. Zëvendëskryeministri i parë i Ukrainës, ka pohuar se ushtarët rusë përdhunuan një vajzë 5-vjeçare dhe një grua 76-vjeçare.
Yulia Svyrydenko tha për “Sky News” se ka dëgjuar rrëfime të ndryshme të vajzave dhe grave ukrainase që kanë qenë subjekt i dhunës seksuale gjatë luftës. Kur u pyet se si ishin trajtuar gratë nga ushtarët rusë, zonja Svyrydenko tha: “Është e tmerrshme. Ne diskutuam histori të grave dhe fëmijëve që u përdhunuan. Më i vogli ishte një histori për një vajzë 5-vjeçare dhe gruaja më e madhe ishte 76-vjeç. Dhe këto janë histori të tmerrshme dhe bota duhet të dijë për to dhe duhet të përgjigjet. Unë jam këtu për të theksuar domosdoshmërinë e sanksioneve ndaj Rusisë, dhe për të vazhduar të na furnizojë me armë që ne ta përfundojmë këtë luftë me fitore”.
“Njerëzit tanë po vuajnë shumë, gra dhe fëmijë. E gjithë bota po përgatitet për Krishtlindje dhe Ukraina po përgatitet për më shumë granatime dhe raketa në rrjetin tonë elektrik”.
Znj., Svyrydenko i ka kërkuar Perëndimit të vendosë më shumë sanksione ndaj Rusisë. Komentet e saj vijnë një ditë pasi zonja e parë Olena Zelenska akuzoi forcat ruse për përdorimin e përdhunimit, si një armë lufte në vendin e saj. Ajo gjithashtu pretendoi se gratë e ushtarakëve rusë, i inkurajuan ata të përdhunonin gratë ukrainase.
Burimi i lajmit: Sky News. Përshtatur nga Tirana Today
