Kryeministri i Greqisë, Kyriakos Mitsotakis i ka dërguar një letër urimi Albin Kurtit me rastin e zgjedhjes si kryeministër.
Duke i uruar suksese në detyrën e re, Mitsotakis shprehet se zbatimi i reformave të nevojshme nga ana e Prishtinës, në përputhje me rekomandimet e BE-së do të fuqizonte perspektivën evropiane të Kosovës.
Në letër ai thekson se Greqia do të vazhdojë të mbështesë në mënyrë aktive aspiratat e popullit të Kosovës.
“Jam i bindur se, vazhdimi i dialogut ndërmjet Prishtinës dhe Beogradit, të lehtësuar nga ana e BE-së, si dhe shmangia e veprimeve që janë në kundërshtim me marrëdhëniet e mira fqinjësore, do të fuqizonte perspektivën tuaj evropiane. Në këtë drejtim, Greqia do të vazhdojë të mbështesë në mënyrë aktive aspiratat e popullit të Kosovës”, thuhet ndër tjera në urimin e Mitsotakis.
