Dy fëmijë të vdekur dhe 4 të tjerë të plagosur, ky është bilanci i një ‘incidenti’ që ka ndodhur pranë një shkolle, në Sheffield, Angli.
Policia raporton se janë ndaluar 2 persona si të dyshuar për këtë incident. Një burrë 37 vjeç dhe një grua 34 vjeç, të cilët po mbahen këto momente në arrest.
Menjëherë pas ngjarjes, policia ka bllokuar zonën e krimit dhe fëmijët janë dërguar menjëherë në spital. Fatkeqësisht dy djem, të moshave 13 dhe 14 vjeç kanë vdekur.
Katër fëmijët e tjerë, të moshave 11, 10, 3 vjeç dhe më i vogli prej tyre vetëm 7 muajsh po marrin trajtimin mjekësor të duhur.
Shkaku i vdekjes së fëmijëve nuk është bërë akoma i ditur. Ndërkohë autopsia e tyre pritet të bëhet më vonë gjatë ditës së sotme.
“Është akoma shumë herët për të mësuar rreth asaj çfarë i lidh bashkë këta fëmijë, apo 2 personat e arrestuar.” – raporton policia.
