Real Madrid pas dorëheqjes së Zidane është në kërkim të një trajneri i cili do të ketë një sfidë mjaft të vështirë para, pasi do të duhet të punojë nën hijen e suksesit të madh të trajnerit francez. Emrat në tavolinën e Florentino Perez janë të shumtë dhe më i spikaturi deri në ditën e sotme ishte argjentinasi i Tottenham, Mauricio Pochetino dhe Antonio Conte i Chelseas.
Por sipas “Dario Gol” asnjëri nga këta emra nuk do të jetë pasardhësi i Zidane, surpriza e Perez pritet të jetë Guti. Gjithashtu mësohet se pas ardhjes së Gutit te Real Madrid do të ketë lëvizje të mëdha dhe ai është duke planifikuar një skuadër pa Cristiano Ronaldon.
“Kur Guti të emërohet trajner, do ta largojë Ronaldon, lojtar që ai ndjen se është në fundin e ciklit me Realin, teksa mund t’i lejojë edhe disa lojtarë tjerë të largohen”, shkruan Diario Gol. Megjithatë ende nuk është bërë asgjë zyrtare dhe do na duhet të presim ende për të mësuar lëvizjet përfundimtare të Real Madrid-it.
