Këshilli i Ministrave ka miratuar kontratën e koncesionit për ndërtimin e aeroportit të Kukësit. Lajmi u bë i ditur në një deklaratë për shtyp nga ministrja e Infrastrukturës dhe Energjisë, Belinda Balluku, e cila njoftoi se afati i punimeve për ndërtimin e aeroportit është 24 muaj, ndërsa kohëzgjatja e koncesionit është 35 vite.
“Sot në mbledhjen e qeverisë KM ka miratuar nënshkrimin e kontratës së koncesionit për rehabilitimin, operimin, transferimin e aeroportit të Kukësit. Koncesioni u krye në dhjetor të 2018 dhe fitues doli bashkimi i përkohshëm i operatorëve Global Technical Mechanics SHPK dhe Bami SHPK. Kontrata u miratuar sot nga Këshilli i Ministrave, hyrja e saj në fuqi i hap rrugë ndërtimit të aeroportit të Kukësit. Kohëzgjatja e kontratës së koncesionit është 35 vite, kohëzgjatja e zbatimit të punimeve dhe afati i vënies në operim është 24 muaj. Vlera e rehabilitimit është rreth 8 milionë”, tha ndër të tjera Balluku.
