Kuvendi miratoi Kodin e ri Zgjedhor. Edhe pse kryeministri Edi Rama tha se 84 vota që do të mjaftonin për ta shndërruar në ligj, sot kanë qenë 97 deputetë që kanë dhënë votën pro.
Ndërkohë, 15 deputetë kanë votuar kundër, dhe 5 kanë abstenuar.
PS ka vetëm 74 deputetë, të pamjaftueshme për të siguruar shumicën parlamentare ndaj dhe janë dashur votat e “23 opozitarëve”.
Në një komunikim me mediat jashtë parlamentit, kryeministri Edi Rama u shpreh se pas votës së deputetëve Kodi i ri Zgjedhor është ligj dhe i padiskutueshëm.
Në ndryshimet në Kodin Zgjedhor përcaktohet se pragu kombëtar do të jetë 1 %, do të ketë ri-renditje të pjesës së parë të listës së kandidatëve bazuar tek vota preferenciale, i jep të drejtë kryetarit të partisë të garojë në 4 zona zgjedhore njëkohësisht dhe se për të kaluar pragun e listës, kandidatëve u vendoset prag tavan 10 mijë vota si dhe heqja e koalicioneve të përbëra dhe kandidimi me listë unike.
Zgjedhjet e ardhshme parlamentare do të mbahen më 25 prill të vitit 2021.
