Temperaturat e ulëta, deri në minus 20 gradë, pothuaj i kanë paralizuar Shtetet e Bashkuara të Amerikës. Rreth 20 njerëz kanë humbur jetën, komunikacioni ka shfaqur probleme të shumta, aksidentet rrugore janë shtuar.
Por temperaturat e ulëta, të shoqëruara me ngrirjen e liqeneve, u kanë hapur telashe edhe kafshëve të egra. Kështu, në Karolinën e Veriut, qytetarët janë habitur kur kanë parë një numër të madh aligatorësh të ngurosur. Porse habia më e madhe ishte shkaktuar kur ata kishin kuptuar se aligatorët ishin të gjallë.
Zvarranikët e kishin zhytur trupin në ujë, ku temperatura është më e lartë dhe jashtë kanë nxjerrë vetëm një pjesë të kokës, sa për të marrë oksigjen.
https://www.youtube.com/watch?v=nI4pAZY3sCo
Shkencëtarët thanë se ata kanë modifikuar metabolizmin për të përballuar temperatura të tilla.
TIRANA TODAY
