Ministrja e Arsimit, Besa Shahini, në emisionin ‘Kjo javë’ ka folur për nismën e marrë për dhënien e librave falas. Ajo ka folur “pa doreza” edhe për ankesat e prindërve, të cilët janë paraqitur të shqetësuar sepse fëmijët e tyre, merrnin libra të plotësuar. Ministrja iu drejtua të gjithë prindërve të cilët kanë shprehur ankesa, se nëse do të kenë mundësi ekonomike, librat mund ti blejnë vetë.
“Ne kemi patur shumë kritika vjet. Kemi arritur të kthejmë mbrapa 80% të librave që janë përdorur vjet, në gjendje të mirë. Fëmija i ka përdorur dhe i ka fshirë. Kemi dhënë libra të reja për klasat e para, ndërsa fletoret e punës i kemi dhënë me pako.
Prindërit që nuk kanë qenë të lumtur, janë të lirë t’i blejnë. Pjesa kryesore e fëmijëve kanë zgjedhur libra falas, është një numër i vogël prindërish që i kanë blerë, që flasin nënzëshëm nëpër Facebook”, tha Shahini.
