Në media u zbardhën mesazhet e ministres së Energjisë dhe Infrastrukturës, Belinda Balluku, e cila po bënte komplot me deputetin socialist Sadi Vorpsi për kryebashkiakun e Vorës, Fiqiri Ismaili. Një reagim është përcjellë nga deputeti i PD-së, Endri Hasa.
Me anë të një postimi në Facebook, ai shkruan se Belinda Balluku, me urdhër te Edi Ramës ka nisur aksionin për të mobilizuar krimin dhe paratë e korrupsionit, për të kapur Bashkinë e Vorës.
Po sipas tij, as krimi, as droga dhe as paratë e korrupsionit, nuk do ta shpëtojnë dot qeverisjen kriminale të Edi Ramës.
Ndonëse prej vetëm pak muajsh në krye të Ministrisë së Infrastrukturës dhe Energjisë, Belinda Balluku po jep provat se ka shumë impakt në PS.
