Ministri i Brendshëm Dritan Demiraj me një postim në rrjetin social Facebook ka bërë të ditur largimin nga posti i ministrit duke falënderuar të gjithë bashkepunëtorët e tij. Demiraj ka bërë dhe një analizë të punës në 12 javë detyrë, duke theksuar se prioritet ka qenë për tolerance zero ndaj drogës. Ai shton se në bashkëpunimi me policinë e shtetit u sekuestruan 37 tonë kanabis, u shkatërruan 40 mije rrënjë kanabis, u konfiskuan 13 skafe si dhe u ndaluan mbi 75 persona.
Parimisht duket sikur Demiraj ka përjashtuar mundësinë e të qenë ministër i Brendshëm në qeverinë “Rama 2” duke thënë se “Mendoj se duhet te sqaroj se çdo kontribut i imi në qeverisje është bërë në funksion të realizimit të qëllimeve të treguara më lartë në kuadër të detyrës time si ministër teknik, e sigurisht jo në kuadër të pëfshirjes time në qeverinë e ardhshme të mazhorancës aktuale.” Por më tej ai shton se “Kam qenë dhe vazhdoj të jem i vendosur për të kontribuar në drejtimin e agjencive ligjzbatuese që merrem me çështje të sigurisë dhe mbrojtjes kombëtare.” Deklaratë e ciala nënkupton se ai mund të mbajë një pozicion tjetër në qeverinë “Rama 2” duke shtuar se bashkëpunimi me Prokurorinë e Përgjithshme, Shërbimin Informativ koleget e ministrisë së Brendshme, Policisë se Shtetit, , Prokurorisë se Krimeve te Renda, Avokatin e Popullit, agjencitë ligjzbatuese të vendit dhe të gjitha institucionet e përfshira në planin e masave ka qene shumë i lartë, intensiv dhe smart.
Po ashtu Demiraj ka falenderuar kryetarin e Partisë Demokratike, Lulzim Basha për besimin për të kryesuar këtë dikaster, në një moment të vështirë për vendin sipas tij. Gjithashtu, ka vlerësuar bashkëpunimin me gjashtë ministrat e tjerë teknikë.
Demiraj ka shprehur një falenderim te veçantë për çdo efektiv të ndershëm të Policisë se Shtetit duke shtuar se Organizata e Policisë së Shtetit ka punonjës të përkushtuar, që janë në front të parë në luftën kundër drogës në përgjithësi dhe trafiqeve të paligjshme në veçanti, por “sigurisht që ka dhe individë të korruptuar, të implikuar në lejimin e fenomenit të kanabizimit të vendit dhe kjo është sfidë në vazhdim e prokurorisë që t’i dërgojë prapa hekurave këta individë të korruptuar.”
Postimi i plotë në Facebook
Te nderuar Miq!
Keto 12 jave ne detyre si Minister i Puneve te Brendshme ka qene nje nder i jashtezakonshem ti sherbeja vendit, qytetareve dhe te gjithe shtetasve qe jetojne e punojne ne Shqiperi.
Deshiroj qe ti shpreh mirenjohjen me te thelle kryetarit te Partise Demokratike, Z. Lulzim Basha per besimin per te kryesuar kete dikaster ne nje moment te veshtire per vendin dhe per mbeshtetjen e Tij te vazhdueshme shtetare per te realizuar detyrat tona kushtetuese.
Bashkepunimi me koleget ne qeveri, znj Mandia, Vukaj, Karabina, Kertusha, z Bardhi dhe Beqiri, koleget e shkelqyer te MPB, policise se shtetit, SHISH, Prokurorise se Pergjithshme, Prokurorise se Krimeve te Renda, Avokatin e Popullit dhe gjithe agjensive ligjzbatuese te vendit, kane qene ne frymen institucionale dhe me kete rast shpreh nje falenderim te madh per perballimin e nje sere sfidash te medha sic ishin mbarevajtja pa incidente e procesit zgjedhor, lufta pa kompromis ndaj kultivimit dhe trafikimit te lendeve narkotike, trafikimit te qenieve njerezore, lufta kunder terrorizmit, emergjencave civile dhe sigurimi i nje sezoni turistik te qete.
Prioriteti im per tolerance zero ndaj droges ne bashkepunimi me policine e shtetit prodhoi disa rezultate te dukshme: 37 tone kanabis i sekuestruar, 40 mije rrenje kanabis te shkaterruara, 13 skafe te konfiskuara dhe mbi 75 vete te arrestuar per kultivim dhe trafikim te lendeve narkotike. Masat për të goditur fenomenin e kanabisit kane qene maksimale duke i drejtuar operacionet dhe arrestimet dhe personalisht ne terren dhe jo masa prapagandistike.
Bashkëpunimi me Prokurorinë e Përgjithshme, Shërbimin Informativ dhe të gjitha institucionet e përfshira në planin e masave ka qene shumë i lartë, intensiv dhe smart. Kontrolli absolut i territorit ka qene dhe do te jete detyrë që çdo individ me uniformë policore duhet te angazhohet maksimalisht.
Nje falenderim per cdo efektiv te ndershem te Policise se Shtetit. Organizata e Policise se Shtetit ka punonjës të përkushtuar, qe jane ne front te pare në luftën kundër trafiqeve te paligjshme në përgjithësi dhe trafikut te lendeve narkotike ne vecanti. Une, ashtu si dhe cdo qytetar i ketij vendi, mendoj se ka individe te korruptuar, te implikuar e kontribues ne ideimin dhe zbatimin e te ashtuqujturit plan i kanabizimit te vendit, dhe per kete duhet bere nje pune me e mire ne vazhdim nga prokuroria dhe gjykatat per te mos lejuar keta individe te kthehen ne fenomen te shoqerise shqiptare. Ne gjykimin tim reagimi qytetar ndaj ketyre fenomeneve duhet te shtoje presionin ndaj cdo institucioni ligjzbatues per te bere detyren dhe risjelle sundimin e ligjt ne vend.
Kam dhe nje falenderim te sinqerte per gazetaret dhe median e lire. Kam pasur nje bashkepunim te mire e jam ndjere i vleresuar qe media ka perkrahur e percjelle publikisht mesazhet qe une ne cilesine e Ministrit te Brendshem kam pasur per qytetaret ne ushtrim te detyrave te mia. Thene kjo, mendoj se duhet te sqaroj se cdo kontribut i imi ne qeverisje eshte bere ne funksion te realizimit te qellimeve te treguara me lart ne kuader te detyres time si minister teknik, e sigurisht jo ne kuader te perfshirjes time ne qeverine e ardhshme te mazhorances aktuale. Kam qene dhe vazhdoj te jem i vendosur per te kontribuar ne drejtimin e agjensive ligjzbatuese qe merrem me ceshtje te sigurise dhe mbrojtjes kombetare.
Pune te medha e presin perpara Shqiperine!
Ju faleminderit. DD.
