Ministri i Turizmit dhe Mjedisit, Blendi Klosi ka deklaruar se në krahasim me vitin e kaluar vendi ka pësuar një rënie të numrit të turistëve.
I ftuar në “Top Talk”, Klosi është shprehur se shkak janë bërë protestat e organizuara nga opozita, të cilat sipas tij kanë dëmtuar imazhin e vendit.
“Protestat ndikim të konsiderueshëm në turizëm. Janari u dëmtua nga protestat e studentëve. Ndërsa muajt e tjerë kanë pasur nga 10 % rritje, përjashtim bën Maji, ku ka pasur vetëm 1,5 % rritje në krahasim me vitin e kaluar”, tha Klosi.
Po ashtu, ministri ka komentuar dhe protestën e ditës së djeshme, për të cilën tha se ndryshe nga protesta e një jave më parë, këtë radhë u shënuan akte dhune.
