Bosnja nuk e njeh pavarësinë e Kosovës dhe deklaron se nuk do të ndryshojë qëndrim në të ardhmen. Lajmi është dhënë nga ministri i Punëve të Jashtme të Bosnjës, Igor Crnadak, i cili ka deklaruar se vend vendi i tij nuk po e konsideron mundësinë e njohjes së Kosovës dhe se pozita nuk do të ndryshojë dhe në të ardhmen.
Crnadak në televizionit “N1” tha se kjo duhet të jetë pozita e Bosnjës, pa dhënë shpjegime nëse kjo është “për shkak se Republika Srpska ka një pozitë të tillë”, transmeton Klan Kosova.
Pikërisht për çështjen e njohjes së Kosovës nga ky vend, anëtari Presidencës së Bosnjë e Hercegovinës, Bakir IzetbegoviC ishte kritikuar tej mase nga politikanët në Serbi gjatë nëntorit.
Ai kishte thënë se Bosnja ka dashur ta njohë Kosovën dhe se shpreson që së shpejti ta ndërmarrë një hap të tillë.
