Ministri i Drejtësisë në Maqedoni, Bilent Saliji dha sot dorëheqjen. Në një konferencë për median të organizuar në qeverinë e Maqedonisë, Saliji ka theksuar se dorëheqja është akt moral lidhur me rastin e fëmijës 4-vjeçarit shqiptar Almir Aliu.
Saliji i cili vjen nga radhët e BDI-së, e vlerësoi dorëheqjen e tij si akt të moralshëm sepse Prokuroria rikualifikoi rastin nga vrasje në aksident, duke lënë të lirë Boban Iliq, të akuzuar për vrasje.
Ministri Saliji theksoi se ky akt lëkundi përkushtimet për reforma në gjyqësor. Ai tha se nga marrja e detyrës deri tani ka arritur që të fokusohet dhe realizojë pikat kryesore të agjendës për reforma dhe se puna e gjyqësorit është reflektuar pozitivisht në rastin Sopoti dhe Monstra.
4-vjeçari Almir Aliu u përplas me makinë nga maqedonasi Boban Iliçi pas një konflikt me familjen e vogëlushit. Prokuroria maqedonase ndryshoi akuzën nga ‘vrasje me dashje’ dhe e cilëson veprën si aksidentale duke e akuzuar atë për “aksident me pasojë vdekjen”, një akuzë më e zbutur nga e mëparshmja.
