Fatmir Xhafaj dha dorëheqjen një javë më parë nga posti i ministrit të Brendshëm. Dorëheqja e tij u dekretua nga presidenti Meta, ndërsa nesër pritet të votohet në një seancë parlamentare. Por, ai vijon të jetë në detyrë, për sa kohë ende nuk është emëruar ministri i ri. Zgjedhja e këtij të fundit ka hasur në problematika të ndryshme, teksa presidenti Meta refuzon të dekretojë Sandër Lleshin si ministër.
Ndërkohë, Xhafaj para pak minutash ka reklamuar punën e Policisë së Shtetit, teksa shkruan se ky operacion i ri i dy muajve të fundit nuk është show, por përballje reale me krimin. Ai nuk ka lënë pa ironizuar opozitën, për të cilën shkruan “Daullezhinjtë avazin”.
Ky operacion i ri që ideuam e realizuam në këto 2 muaj s’është show a ‘betejë’ në rrjete sociale, por përballje reale me krimin. Janë me fakte e emra konkretë ‘të fortësh’ që përballen me drejtësinë. Dëshmi e qartë e autoritetit të shtetit dhe e Policisë #ForcaeLigjitnëTerritor?
— Fatmir Xhafaj (@FatmirXhafaj) November 5, 2018
Forca e Ligjit në Territor në veprim pro aktiv goditës. Operacioni “Ndëshkimi i ‘të fortëve” është në rrugën e tij të suksesit. Në 7 ditë, mbi 50 persona u arrestuan, në 6 javë mbi 390 vetë në pranga! Rezultate që flasin vetë. Shifra sa për 1000 fjalë? Daullexhinjtë avazin??
— Fatmir Xhafaj (@FatmirXhafaj) November 5, 2018
