Ministri i Bujqësisë dhe Zhvillimit Rural, Bledi Çuçi ka folur për skemat e aplikuara mbi sektorin e bujqësisë dhe ushqimit.
I ftuar në “Dritare me Rudinën”, Çuçi tha se fermerët tashmë do të marrin një kompensim me 10 lekë nga qeveria, edhe pse qumështin do ta shesin më çmim më të lirë.
“Ne kemi menduar ta kompensojmë me 10 lekë nga qeveria dhe do përfitojë më shumë nga shitja e qumështit, me dorëzimin e faturës. Nëse më përpara fermeri e shiste 42 lekë litrin, tani do e shesë qumështin 37 lekë dhe merr 10 lekë si kompensim. Domethënë grumbulluesit e marrin më lirë dhe fermerët fitojnë më shumë”, shprehet ministri.
Por, sipas Alfred Markut, shef kuzhine, që ka lidhje të ngushtë edhe me prodhimin bio, është shprehur se: “Do të jetë kolaps prodhimi, pasi nuk e pranon fermeri këtë çmim.”
