Deklarata e ministrit i Punëve të Brendshme të Serbisë, Nebojsha Stefanoviq u bë në Moskë pas takimit me sekretarin e Këshillit të Sigurimit të Federatës ruse, Nikolai Patrushev.
Në takim është diskutuar bashkëpunimi mes dy vendeve në luftën kundër terrorizmit si dhe sfidave tjera të sigurisë, por ministri serb ka folur edhe për situatën e popullit serb në Kosovë
“Kemi mbështetjen e Rusisë në përpjekjet tona për të siguruar paqen dhe stabilitetin. Gjithashtu edhe për të zbatuar marrëveshjet si formimi i komunave serbe të cilat janë të rëndësishme për ne, por edhe për të ruajtur sigurinë e popullit serb, kryesisht në pjesët në pjesët e Kosovës ku ata nuk kanë siguri të plotë. Ne do të kemi mbështetjen e Rusisë edhe në të ardhmen”, ka thënë Stefanoviq.
Temë diskutimi e këtij takimi ka qenë edhe lufta kundër terrorizmit, krimit të organizuar si dhe sulmeve kibernetike.
