Policia ka përcjellë detajet në lidhje me aksidentin ku një minibus ka dalë nga rruga e për pasojë ka humbur jetën një shtetas e nëntë të tjerë janë plagosur.
Aksidenti fatal ka ndodhur sot rreth orës 14:15, në aksin rrugor Gramsh-Kushov, në fshatin Bregas, ku mjeti me drejtues shtetasin A.Xh., banues në Gramsh, ka dalë nga rruga.
Për fat të keq, si pasojë e aksidentit ka ndërruar jetë një pasagjerer, shtetasi me inicialet L.L., rreth 30 vjeç, banues në fshatin Terrove, Skrapar.
Të njëjtat burime zyrtare shtojnë se kanë mbetur të plagosur nëntë pasagjerë të tjerë, të cilët janë jashtë rrezikut për jetën.
Njoftimi i policisë:
Më datë 10.07.2021, rreth orës 14:15, në aksin rrugor Gramsh-Kushov, në fshatin Bregas, mjeti minibuz me drejtues shtetasin A.Xh., banues në Gramsh, ka dalë nga rruga.
Si pasojë e aksidentit ka ndëruar jetë një pasagjerë, shtetasi L.L., rreth 30 vjeç, banues në fshatin Terrove, Skrapar, si dhe janë plagosur 9 pasagjerë të tjerë, jashtë rrezikut për jetën për momentin, të cilët janë nxjerrë nga shërbimet e Policisë dhe zjarrfikësit nga vendi ku u përmbys minibuzi dhe po transportohen me autoambulanca për ndihmë mjekësore.
Në vendgjarje ndodhet dhe grupi hetimor dhe vijon puna për zbardhjen dhe dokumentimin e plotë të rrethanave të aksidentit.
