Qeveria e Kosovës në një mbledhje të jashtëzakonshme ka miratuar një fond për t’i ardhur në ndihmë Shqipërisë, për pasojat e tërmetit.
Nga mediat kosovare mësohet se kryeministri në detyrë Ramush Haradinaj ka kërkuar që përveç fondit të miratuar të dërgohen edhe burime njerëzore.
Mësohet se në drejtim të Shqipërisë do të nisen njësi të veçanta të minatorëve të Trepçës, të cilët do të ndihmojnë në lokalizimin dhe nxjerrjen sa më shpejtë të personave që ndodhen ende nën rrënoja.
“Ne kemi qenë aktiv në situatën më të rë të krijume. Meniherë kemi marrë veprimet e duhura, kemi autorizu edhe kontraktorë privat përveç policisë. Ata kanë ndërmarrë veprimet menjëherë me shku. Ne kemi kërku menjëherë që njësitë e veçanta, Trepçës dhe minierave tjera me u përgjigj. Mendoj që kjo është një mënyrë e mirë për të qëndruar afër. Lutemi që numri i viktimave mos të rritet, edhe Kosova duhet të jetë e përgatitur në një situatë të tillë. Prap mendoj që në Kosovë ka një përgatitje për këto situata”, ka thënë Haradinaj.
