Kandidati për kryeministër nga radhët e Vetëvendosjes, Albin Kurti, në një konferencë për media, ka ftuar koalicionin LDK-AKR-Alternativa për një takim rreth krijimit të Qeverisë së përbashkët. Partia e Mimoza Kusari-Lilas i ka thënë “PO” këtij takimi të thirrur nga partia më e votuar në zgjedhjet e 11 qershorit. Partia Alternativa është e hapur për një takim të tillë tha kryetarja e saj.
“Ne jemi takuar me Vetëvendosjen edhe para zgjedhjeve. E dimë se parimet të cilat duhet të ndërtohet në një program qeverisës janë ato në bazë të cilave mund të ketë apo mos të ketë marrëveshje. E kemi diskutuar që kjo është një prej mundësive ndërsa të vetmen që nuk e diskutojmë është me PDK-në”, tha Mimoza Kusari-Lila.
