Kreu i Partisë Demokracia Sociale, Paskal Milo, ka zbuluar bisedat që ka zhvilluar me kreun e shtetit Ilir Meta, në takimet që kanë patur para zgjedhjeve.
I ftuar në emisionin “Open”, Milo tha se Meta i kishte propozuar që të ishte negociator me kryeministrin Rama, por ai nuk kishte pranuar. Po kështu ai tha se me presidentin Meta kanë folur për një formulë, se si të zgjidhej kriza.
“Është e vërtetë që unë jam takuar. Me Metën kemi folur për një formulë si të zgjidhej kriza, dhe Presidenti më ka propozuar që unë të isha negociator për të ulur në tavolinë atë dhe Ramën, por unë nuk kam pranuar”, tha Milo.
