Pak para se të shënohej orari i protestës, militantët, mbështetës të ish-kryeministrit kanë shqyer derën kryesore të selisë së PD-së. Mbështetësit e Sali Berishës rreth orës 11:30 të ditës së sotme kanë shqyer derën, dhe janë futur me dhunë brenda selisë së PD-së.
Njerëzit që erdhën për të mbështetur ish-kryeministrin, u futën një pjesë brenda dhe pjesa tjetër janë duke qëndruar në oborr dhe në shkallët e selisë. Brenda selisë është kryetari Basha dhe kupola drejtuese e partisë.
Me dy gishtat lart dhe me thirrjet “Berisha, Berisha”, militantët kane hyrë dhe ndodhen në katin e parë të selisë.
Deri në këto momente nuk ka asnjë ndërhyrje të policisë.
