“La Republica” ka zbuluar një prapaskenë mjaft interesante sa i përket kalimit të Cristiano Ronaldos në Kampionatin italian. Ylli portugez tashmë ka filluar aventurën e re me Juventusin, por fillimishte në garë ka pas qenë Milani. Ishte një plan i hartuar që në janar, por që nuk shkoi si ishte menduar.
Agjenti i CR7, Jorge Mendes ka pasur gjithmonë raporte mjaft të mira me kuqezinjtë, dhe këtë pikë është përpjekur ta shfrytëzojë edhe Fasone me Mirabellin. Ata punuan në heshtje, por negociatat ngelën të hapura deri në këtë merkato. Gjithcka u zbeh në momentin që Milani nuk arriti Champions Leaguen dhe më pas problemet financiare që pati shoqëria kineze, bënë që kjo alternativë e merkatos të binte poshtë.
Gjithsesi duhet thënë se edhe me kalimin e Ronaldos te Juventusi, Milani përfitoi disi, pasi arriti të marrë në Milano Gonzalo Higuainin, një bomber që premton gola të shumtë për kuqezinjtë, të cilët kanë vuajtur për numra 9, gjatë sezoneve të shumta.
