Milan gati të surprizojë të gjithë, teksa ka nisur bisedimet me agjentin e mesfushorit të Brescia, Sandro Tonali, për ta transferuar atë në “San Siro”.
Tonali është një nga talentet që ka spikatur këtë sezon në Serie A dhe ka tërhequr vëmendjen e ekipeve të mëdha, që duan ta transferojnë atë.
Inter dhe Juventus prej kohësh interesohen për italianin, i cili shihet si e ardhmja e mesfushës. Por së fundmi në garë për lojtarin është edhe Milan, që ka nisur kontaktet e para për ta afruar lojtarin.
Një avantazh që do të kishin kuqezinjtë për 19-vjeçarin, është fakti se ai ka dalë hapur se është një tifoz i Milan dhe do ta pranonte një kalim te ky ekip.
