Ekspertët kanë shfaqur shqetësimin për “gripin e shpendëve”, pasi mijëra zogj u gjetën të ngordhur në mënyrë misterioze. Të paktën 7.000 zogj me qafë të zezë, pëllumba deti dhe pulëbardha u gjetën të ngordhura në plazh.
“Ne kemi regjistruar ngordhjen e shpendëve në numër të madh, disa mijëra prej tyre”, tha akademiku Grigory Prokopov nga Universiteti Federal i Krimesë. Një video tronditëse tregon një zog të çorientuar që ecën në qarqe, nga dëmtimi i sistemit të tij nervor.
Shkencëtarët besojnë se një infeksion i ri viral, mund të jetë shkaku i ngrodhjeve masive të shpendëve.
“Me shumë mundësi, ky nuk është helmim”, tha Prokopov. “Sjellja e një zogu që arrita të vëzhgoj, tregoi se ishte qartë i sëmurë dhe ngrordhi.
“Kjo është shumë e ngjashme me dëmtimin e sistemit nervor qendror. Me shumë mundësi, ky është një lloj virusi. Por përfundimi duhet të jepet nga veterinerët”.
Megjithëse një sëmundje infektive është më e mundshme si shkak, “helmimi dhe situata ekologjike” mund të jenë një faktor. Vendasit gjithashtu kanë sugjeruar që ngordhjet mund të lidhen me nivele të larta të ndotjes në zonë, pasi raportet treguan një nivel të lartë të merkurit.
Specialistët nga Qendra Federale për Shëndetin e Kafshëve, tani po punojnë në vend dhe analiza e zogjve të ngordhur do të kryhet. Ai shtoi: “Një tepricë e merkurit u regjistrua në këtë zonë”.
Autoritetet në Krime nuk kanë komentuar ende për gripin e dyshuar të shpendëve në krahun jugor të Evropës. Zogjtë u gjetën të ngordhur në kufirin e diskutueshëm të gadishullit të aneksuar nga Rusia, nga Ukraina kontinentale.
Ajo vjen pasi qindra korba ngordhën, pasi ranë në tokë para fshatarëve të tronditur në Rusi. Sipas banorëve vendas, fshati “ishte i mbuluar me trupa zogjsh të zinj” në Ust-Tarka, Rajoni i Novosibirsk.
Është një lloj ngordhje masive e shpendëve, që më parë ishte quajtur “aflockalypse” kur tufat bien papritmas nga qielli, raportoi Conversation. Dhjetë vjet më parë kishte lajme se mijëra zogj kishin rënë nga qielli në Arkansas, dhe 100.000 peshq u gjetën të ngordhur në një lumë aty pranë.
Së shpejti mediat filluan të raportojnë më shumë incidente në të gjithë botën: breshkat që ngordhnin në masë në Itali, gaforret e ngordhura në bregun e Kentit, miliona peshq të njomë në Gjirin Chesapeake të Maryland dhe një numër të madh sardelesh të ngordhura pranë Los Anxhelosit.
Blogerët ofruan një sërë përgjigjesh për këto ngjarje shqetësuese, me disa që sugjeruan se skenat “ishin si apokalipsi”.
Eksperimentet sekrete të qeverisë, zhvendosja e polit magnetik ose sëmundjet e çuditshme të shkaktuara nga efektet toksike të aktiviteteve njerëzore, u renditën si shkaqe të mundshme, shtoi raporti.
Burimi i lajmit: thescottishsun. Përshtatur nga Tirana Today
