Një gjyqtare në Miçigan, refuzoi të pranonte një padi gjyqësore të ngritur nga fushata e Presidentit Donald Trump, që synonte ndalimin e numërimit të votave në këtë shtet.
Mediat kanë parashikuar kandidatin demokrat, Joe Biden si fitues në Michigan, një shtet të cilin Trump e fitoi në vitin 2016.
Gjyqtarja e Gjykatës së Ankimimit në Miçigan, Cynthia Stephens e mori vendimin gjatë një seance të enjten. Ajo tha se do të publikonte një vendim me shkrim të premten.
Zyrtarët e fushatës së Trump thanë se e kishin ngritur padinë për të ndalur numërimin në Miçigan dhe për të patur qasje më të madhe në procesin e numërimit.
