Danezët mendojnë se lumturia e fëmijëve fillon pikërisht në shtëpi, prandaj ata përdorin një metodë të veçantë në rritjen e tyre. Ata sugjerojnë se duhet të mbizotërojë loja, empatia (të përpiqesh të kuptosh si ndihet tjetri), nuk duhet të ketë aspak ultimatum, pra kjo do të jetë një mënyrë jo vetëm për të rritur fëmijë të lumtur por edhe për të qenë prindër të qetë.
Kur i bashkoheni argëtimit dhe lojës me fëmijën ju nevojiten:
- Materiale të ndryshme që stimulojnë shqisat e fëmijës;
- Një hapësirë e madhe dhe e sigurt;
- Smartphone, tablet dhe televizori të fikura.
Përse është e rëndësishme kjo lojë?
Dita e fëmijës ashtu si edhe jona janë të programuara, dhe ndonjëherë nuk ngelet kohë për të zhvilluar lojërat në hapësirë, nuk tregohen histori dhe fëmija nuk stimulohet të veprojë me të tjerët. Ai nuk ka mundësinë e duhur për të improvizuar një lojë dhe për pasojë nuk është i lirë të mësojë si të kontrollojë emocionet dhe mënyrën e të ndërvepruarit me të tjerët.
Fëmija do të ketë mundësi të qëndrojë në një hapësirë duke eksperimentuar dhe shpikur lojëra të reja. Le të tregohemi të sinqertë, le të pikturojmë…
Një prej mënyrave më të pëlqyeshme për të kaluar kohën është arti, dhe këtë duhet ta bëni edhe me fëmijën tuaj. Por nuk duhet të kthehet në një sfidë apo mësim, ata duhet të jenë të lirë të shprehin atë që kanë brenda vetes. Në fund mund edhe t’i bëni komplimente.
