Kreu i Shtetit, Ilir Meta, do të dekorojë sot ish-presidentin Rexhep Meidani. Ai do vlerësojë Meidanin me “Dekoratën e Flamurit Kombëtar”, me rastin e 76 vjetorit të lindjes.
Meta vlerëson Meidanin për përgjegjësinë e lartë shtetërore të treguar si President, për kontributin e çmuar për reformën e rëndësishme të Kushtetutës, për mbajtjen e referendumit të Kushtetutës në vitin 1998. Për ngritjen dhe forcimin e institucioneve të pavarura, si dhe për mbështetjen për çështjen e Kosovës.
Ceremonia e dekorimit bëhet me rastin e 76-vjetorit të lindjes së Rexhep Meidanit.
Pak më herët, kryeministri Edi Rama, përmes një postimi në rrjetet sociale i ka uruar sot 76-vjetorin e lindjes ish-presidentit Rexhep Meidani.
Kreu i qeverisë thekson se Meidani ishte një ndër intelektualët që iu vunë në shërbim vendit në momentet tejet sfiduese, pas përmbysjes së madhe të sistemit.
