Presidenti Ilir Meta ka bërë thirrje për vendosjen e një dialogu mes qeverisë dhe grave greviste të naftëtarëve, për një zgjidhje sa më të pranueshme të kërkesave të tyre.
Nëpërmjet një statusi në Facebook, Meta ka shkruar se është e rëndësishme të bëhet çdo përpjekje, pa vonesa të metejshme, për një trajtim të përgjegjshëm shtetëror dhe njerëzor të kësaj çështje. Me qëllim zgjidhjen e kësaj situate të rëndë.
Sot është dita e 21 e grevës së grave naftëtare në Ballsh. Gratë greviste kërkojnë pagat dhe janë shprehur se nuk dalin nga greva, pa iu plotësuar kërkesat.
Statusi i presidentit Meta:
Është tepër e domosdoshme dhe bëj thirrje për vendosjen e menjëhershme të dialogut mes Qeverisë dhe grave greviste e naftëtarve për një zgjidhje sa më të pranueshme të kërkesave të drejta të tyre, për të shmangur përshkallëzimin e situatës me pasoja për shëndetin e grevistëve.
Është shumë e rëndësishme të bëhet çdo përpjekje, pa vonesa të metejshme, për një trajtim të përgjegjshëm shtetëror dhe njerëzor të kësaj çështje, me qëllim zgjidhjen e kësaj situate të rëndë sociale dhe humanitare përpara se të përballemi me probleme shëndetësore që mund të rrezikojnë jetën e të ngujuarve. ??
