Pas dhunës së ushtruar në Kuvendin e Maqedonisë, Ilir Meta ka zhvilluar një bisedë telefonike me homologun e tij të sapozgjedhur, Telat Xhaferi.
Meta ka shprehur keqardhjen e tij, lidhur me incidentin e rrezikshëm, si dhe e siguroi Xhaferin se ka mbështetjen e plotë të Kuvendit të Shqipërisë.
“Shpreh keqardhje për dhunën e papranueshme në ambientet e Parlamentit të Maqedonisë. Mbështesim zgjidhjen e krizës në Maqedoni, përmes mjeteve kushtetuese e demokratike. Konflikti është politik jo ndëretnik”, i ka thënë Meta homologut të tij.
