Presidenti i Republikës, Ilir Meta i ka bërë thirrje Policisë së Shtetit që të zbardhë vrasjen e e ndodhur ditën e sotme në Elbasan, dhe kërkoi që autorët të vihen para përgjegjësisë.
I ftuar në emisionin ”Info Focus”, Meta tha se Elbasani i dijes, i kultures, i qytetarise është kthyer ne një nga qytetet problematike.
Ndër të tjera, Kreu i Shtetit i shprehu ngushëllimet familjes se viktimës dhe shpresoi për shërimin sa më të shpejt të te lënduarve.
Ilir Meta: ”Situata është tepër kritike, mjafton të shohim sa krime janë bërë në këto katër ditët e fundit. Për fat të keq dhe Elbasani i dijes, i kultures, i qytetarise është kthyer ne një nga qytetet problematike.
Kjo situatë vjen si rezultat i policisë dhe të prokurorisë që janë të njëanshme dhe kjo është mëse e dukshme sepse njerëz të caktuar ecin të armatosur. I shpreh ngushëllimet e mia familjes se viktimes dhe shpresoj për shërimin sa më të shpejt të te lënduarve.
Unë bëj thirrje për rikthimin në normalitet dhe të mos ndodhi më situata të cilat përfundojnë me tragjedi. Policia e shtetit të zbardhi sa më shpejt krimin e ndodhur dhe të vihen përpara drejtësisë personat që kanë bërë këtë krim.”
