Kreu i Shtetit Ilir Meta, ka përcjellë apelin e radhës ndaj klasës politike lidhur me hapjen e listave 100%.
Ai ka publikuar një grafik ku shihet se Shqipëria renditet e katërta pas Sirisë, Afganistanit dhe Irakut, përsa i përket aplikimeve për azilantët, dhe shkruan se vendi ynë nuk e meriton këtë gjë.
Presidenti shprehet me anë të një statusi në Facebook, se hapi i parë për rikthimin në drejtimin e duhur është respektimi pikë për pikë i marrëveshjes së 5 Qershorit, dhe mos devijimi prej saj as një milimetër.
Dje Këshilli Politik u mbyll pa asnjë konsensus mes aktorëve politikë. PD dhe LSI kanë paraqitur në tryezën e këshillit me një letër që ia drejtuan ODIHR, ku i kërkuan përfaqësuesit të Partisë Socialiste, Damian Gjiknuri për ta firmosur.
Ky i fundit e ka refuzuar një gjë të tillë, me argumentin që ka dhënë edhe më herët, që ODIHR duhet t’i drejtohen vetëm kur të ketë një draft konkret, të cilin opozita ende nuk e ka dorëzuar.
Statusi
Shqipëria nuk e meriton të renditet midis këtyre vendeve!
Shqipëria meriton vetëm të ardhme europiane!
Mjaft me Drejtimin e Gabuar të autoritarizmit, arrogancës, korrupsionit dhe marrëzisë, që po i varfëron dhe po i lodh kaq shumë shqiptarët, duke i detyruar të largohen nga vendi.
Hapi i parë për rikthimin në Drejtimin e Duhur është respektimi pikë për pikë i Marrëveshjes së 5 Qershorit dhe mos devijimi prej saj as një milimetër.
Të rikthejmë shpresën duke rikthyer sovranitetin në duart e popullit, me hapjen e listave 100% dhe plotësimin e të gjitha kushteve të BE
