Presidenti i Republikës, Ilir Meta po zhvillon një takim me Kreun e ri të Shtetit të sapozgjedhur, Bajram Begaj. Mësohet se takimi po mbahet ne ambientet e Pallatit të Brigadave.
“Kënaqësi të prisja sot Presidentin e zgjedhur, z. Bajram Begaj dhe t’i uroja sërish suksese në detyrën e lartë, që e pret në interes të vendit dhe të gjithë qytetarëve”, shkruan Meta në Facebook.
Begaj dorëzoi fillimisht te Kryeministri dhe Ministri i Mbrojtjes dorëheqjen nga posti i Shefit të Shtabit të Forcave të Armatosura. Por ligji i Forcave të Armatosura sanksionon që ushtarakët në shërbim aktiv, nuk mund të zgjidhen dhe as të emërohen në detyra të tjera shtetërore. Lirimin nga detyra e dekreton Ilir Meta, si Komandat i Forcave të Armatosura.
Disa orë pas diskutimeve, Meta publikoi një video nga Stambolli, ku ishte për një vizitë zyrtare. Duke e firmosur lirimin nga detyra e ushtarakut aktiv, Bajram Begaj shkoi drejt Parlamentit, për marrjen e postit të Presidentit.
