Presidenti i Republikës, Ilir Meta priti në një takim në Presidencë, kryetarin e Lëvizjes Vetëvendosje, Albin Kurti.
Përmes një postimi në rrjetet sociale, Meta u shpreh se ka uruar Kurtin për fitoren e zgjedhjeve, por mbi të gjitha për procesin zgjedhor që zhvilloi Kosova.
Meta tha se me Kurtin ndanë ide të vyera për forcimin e gjithanshëm të bashkëpunimit mes dy vendeve tona.
”Sot kisha kënaqësinë të prisja në një takim vëllazëror, liderin e Lëvizjes Vetëvendosje, Albin Kurti, fitues të zgjedhjeve të fundit në Kosovë. E urova për fitoren, por mbi të gjitha për procesin e shkëlqyer zgjedhor, që realizoi Kosova.
Ndamë shumë ide të vyera për forcimin e gjithanshëm të bashkëpunimit mes dy vendeve tona dhe përshpejtimin e proceseve integruese, për të garantuar një të ardhme më të mirë dhe të sigurt europiane, që meritojnë qytetarët tanë.’’, shkruan Meta në rrjetin social, Facebook.
