Kreu i Shtetit, Ilir Meta, ka reaguar pas sulmit rus në Ukrainë. Presidenti Meta, teksa dënon sulmin, thotë se Rusia shkel ligjin ndërkombëtar duke kërcënuar jetën e civilëve të pafajshëm. Ai bën thirrje ndaj Rusisë, që të tërhiqet nga veprimet ushtarake kundër integritetit territorial dhe sovranitetit të Ukrainës.
Ja se çfarë shkruan Meta:
Shqipëria dënon sulmin e pajustifikueshëm të Rusisë ndaj Ukrainës, duke shkelur ligjin ndërkombëtar dhe duke kërcënuar jetën e civilëve të pafajshëm.
I bëjmë thirrje Rusisë të tërhiqet nga veprimet ushtarake kundër integritetit territorial dhe sovranitetit të Ukrainës!
Shqipëria qëndron me Ukrainën dhe popullin e saj në këtë orë të errët!
