LSI ka zhvilluar një takim sot me banorë të Shkozës, në Njësinë administrative nr. 1 në Tiranë.
I pranishëm në këtë takim ishte edhe Kreu i Kuvendit, Ilir Meta. Ky i fundit, gjatë fjalës së tij vlerësoi listën e kandidatëve të LSI-së për Tiranën, ndërsa ritheksoi se LSI do të dalë forcë e parë politike, duke bërë një përmbysje cilësore të Parlamentit.
“Duke votuar për LSI-në, ju keni votuar për zgjidhjen e problemeve të tuaja. Duke votuar për Klajda Gjoshën e për shumë përfaqësues të tjerë të shkëlqyer të LSI-së në Tiranë, ju keni votuar për të bërë një përmbysje cilësore të Parlamentit për t’i dhënë shpresë politikës, për t’i dhënë energji pozitive dhe për t’i dhënë zë problemeve tuaja. LSI do të jetë pa asnjë diskutim forcë e parë në zgjedhjet e 25 qershorit”, deklaroi Kryetari i Kuvendit.
Të pranishëm në këtë takim ishin edhe kryesuesja e listës së kandidatët të LSI-së për qarkun Tiranë, Klajda Gjosha, dhe aktori Laert Vasili.
“Shqipëria jonë duhet të ndryshojë duke nxjerrë së pari LSI-nё forcë të parë dhe duke u bёrё më parë një shans për të gjithë ne së bashku. Ne duhet të punojmë për një pakt kombëtar për zhvillimin e ekonomisë. Ju premtoj të gjithëve që çdo ditë të karrierës sime nё politikë do ta kaloj pranë problemeve tuaja pranë halleve tuaja duke folur me secilin nga ju dhe për t’ju qëndruar pranë dhe për të zgjidhur çdo çështje që shqetëson familjet tuaja”, u shpreh Gjosha.
