Presidenti i zgjedhur, Ilir Meta në takimin elektoral të LSI-së në qytetin e Kavajës hodhi sërish akuza ndaj kryeministrit Edi Rama. Meta tha se Rama nuk ka asnjë lidhje me të majtën dhe të djathtën por që ka lidhje vetëm me tepsinë dhe kusinë. Meta tha gjithashtu se ai është me keq se Ramiz Alia sepse ky i fundit nuk i kërkoi asnjëherë policisë të dalë në fushatë.
“Më 25 qershor Kavaja do të fillojë Vettingun ndaj atyre që ja nxinë faqen Kavajas. Vetingu do të jetë për atë që e mbulojë të gjithë Shqipërinë me drogë. Atë që nuk ka asnjë lidhje me të majtën dhe të djathtën por që ka lidhje vetëm me tepsinë dhe kusinë. Ai u bë më keq se Ramiz Alia sepse ky u fundit asnjëherë nuk i kërkoj policisë të dalë në fushatë jashtë orarit të punës”, tha Meta.
Gjithashtu, Meta shtoi se “pushteti do të kalojë nga duart e një pakice informate në duart e një shumice reale. Jemi jo vetëm forcë e parë por dhe forcë e paparë sepse jemi forcë e rinisë së Shqipërisë. Nda ky qytet simbol i demokracisë ju bëj thirrje të gjithë qytetarëve që të mos frikësohen nga bandat e tyre. Beteja jonë për te realizuar revolucionin e dytë të demokracisë është i pa kthyeshëm. Do bëjmë një marrëveshje me shqiptarët me votën e tyre në 25 qershor. Do ua japim Shqipërinë rinisë dhe intelektualëve.”
